FSHSHC është një Organizatë Jofitim prurëse e Pavarur nga qeveria, ideologji partiake apo besim fetar. Puna jonë udhëhiqet nga dëshira e përbashkët e jona dhe e mbështetësve tanë për të gjetur zgjidhje praktike për Zhvillimin e Shoqërisë Civile dhe të Pjesëmarrjes së Komunitetit në të gjithë Shqipërinë dhe veçanërisht në zonat më larg kryeqytetit.
Këtë ne perpiqemi ta bëjmë me një frymë gjeneroziteti dhe respekti të ndërsjelltë.
Vizioni në të cilin ne mbështetemi është:

Ne jetojmë në një botë ku secili prej nesh është në partneritet me të tjerët, ku cilësia e jetës së secilit është e lidhur fort me mirëqënien e komunitetit lokal dhe rajonal dhe ku zhvillimi bazohet në marrëdhënien harmonike të Qeverisë, Komunitetit të Biznesit dhe të Sektorit Jo fitim Prurës. Ne e ndjekim këtë vizion me aktivitete krijuese, komunikim të menduar mirë dhe me aktivitete të tjera që e përmirësojnë komunitetin ne shumëllojshmërinë e formave të tij për një shoqëri civile të hapur dhe të zhvilluar.

Për të bërë gradualisht realitet këtë vizion ne kemi përcaktuar si detyrën tonë misionin e mëposhtëm:

FSHSHC është një Organizatë shqiptare jofitim prurëse e cila ka synim nxitjen dhe zhvillimin e shoqërisë civile në Shqipëri, duke i dhënë përparësi zonave urbane larg kryeqytetit dhe duke u përqëndruar në zonat periferike në veçanti. FSHSHC do të shumëfishojë përpjektet për komunitetet e këtyre zonave, në bashkëpunim të ngushtë me to, OJF-të lokale dhe Pushtetin vendor për një edukim qytetar dhe pjesëmarrje të komunitetit, në mënyrë që të krijojë një shoqëri të zhvilluar demokratike, të hapur, të drejtë, të barabartë dhe të qëndrueshme në Republikën e Shqipërisë. Fondacioni kërkon të forcojë tek njerëzit dhe Organizatat e tyre atë që ne e quajmë: ‘’Kapacitet Për të Realizuar’’

Strategjia e FSHSHC 2006-2009