Adresari i Organizatave Jofitimprurëse, botim i Vitit 2002 është vazhdimësi e botimeve të mëparshme të Fondacionit Shqiptar të Shoqërisë Civile. Shumë të dhëna kanë ndryshuar që nga botimi i fundit i vitit 2001.
Mjaft organizata kanë ndërruar adresë, person kontakti numrate e telefonit apo të faksit. Kjo e bën të domosdoshme ribotimin herë pas here të këtij adresari në formë më të zgjeruar, duke pasqyruar këto ndryshime dhe duke shtuar edhe organizatat e reja që krijohen dhe arrijnë të informohen për Fondacionin tonë dhe të na kontaktojnë drejtpërdrejt ose nëpërmjet rrjetit të koordinatorëve lokalë.
Duam t'ju vëmë në dijeni gjithashtu se informacioni i këtij libri është mbledhur nëpërmjet formularëve të cilat Njësia e Informacionit i ka përgatitur dhe shpërndarë për të gjithë organizatat e interesuara për t'u përfshirë në këtë botim. Këto formularë kanë shërbyer si bazë për krijimin dhe rifreskimin e bazës së të dhënave për Organizatat Jofitimprurëse nga Njësia e Informacionit të FSHSHC.
Në mbledhjen e të dhënave kanë dhënë një ndihmesë të madhe të gjithë koordinatorët e Fondacionit të shpërndarë në rrethe të ndryshme të Shqipërisë. Ata janë përpjekur dhe kanë shfrytëzuar të gjitha burimet e mundshme në mënyrë që të jepnin një informacion sa më të plotë për organizatat jofitimprurëse.
Përfitojmë nga rasti t'iu japim atyre një falenderim të veçantë.