Lista e mëposhtme e OJQ-ve dhe organizatave të tjera në Shqipëri është përpiluar nga Njësia e Informacionit e F.SH.SH.C., organizatë jofitimprurëse, qëllimi i të cilës është të ndihmojë dhe forcojë OJQ-të shqiptare në të gjithë sektorët. F.SH.SH.C. financohet nga Qeveria Daneze por ka një Bord dhe punonjës shqiptarë.
Adresari i OJQ-ve është përpiluar duke përdorur informacionin ekzistues nga organizatat e ndryshme dhe nga të dhëna të përftuara nga aktivistë të OJQ-ve në gjithë Shqipërinë. Gjatë viteve të fundit sektori i OJQ-ve shqiptare është zgjeruar shpejt ndërsa informacioni dhe kontaktet janë bërë më të vështira. Adresari mbi OJQ-të ka si qëllim të ndihmojë vendosjen e kontakteve midis qindra OJQ-ve shqiptare në Tiranë dhe në rrethe, midis OJQ-ve dhe zyrave qeveritare, administratën lokale, shtypin, publikun dhe sektorin privat , si dhe agjensitë për ndihmat e huaja dhe lokale, me donatorët e huaj. Adresari i OJQ-ve përfshin përkufizimin e gjerë mbi OJQ-të, si organizata të cilat kontrollohen vullnetarisht, jo-fitimprurëse, të pavarura dhe jashtë natyrës partiake a politike. OJQ-të duhet të regjistrohen në një nga gjykatat lokale. 
Adresari i OJQ-ve është i ndarë në disa kategori të përbashkëta. Kur një kategori përfshihet në dy nëndarje ajo është renditur dy herë. Për ta bërë Adresarin sa më të përdorshme, ne kemi përfshirë shoqata profesionale dhe sociale, politike, grupe rinore, clube pasionesh dhe sportive, OJQ-të e huaja dhe organizatat humanitare të huaja. OJQ-të jashtë Tiranës janë dhënë të ndara ndërsa degët e organizatave janë renditur në listën kryesore. Përvec informacionit bazë të dhënë në adresar, Njësia e Informacionit të Fondacionit po grumbullon të dhëna më të detajuara mbi OJQ-të e renditura këtu.