Në ligjin nr.7850, datë 29.7.1994 "Kodi Civil i Republikës së Shqipërisë" bëhen këto shtesa dhe ndryshime:

Neni 1

Neni 39 ndryshohet si vijon:
"Shoqata është person juridik që krijohet me vullnetin e lirë të pesë ose më shumë personave fizikë ose jo më pak se dy personave juridikë që ndjekin një qëllim të caktuar, të ligjshëm, në të mirë dhe në interes të publikut ose të anëtarëve të saj."

Neni 2

Pas nenit 39 shtohet neni 39/1 me këtë përmbajtje:
"Shoqata ka të drejtë të ketë në pronësi pasuri të luajtshme dhe të paluajtshme, të realizojë të ardhura nëpërmjet administrimit të këtyre pasurive, si dhe ushtrimit të veprimtarive të tjera, në përputhje me ligjin dhe me qëllimin e objektin e veprimtarisë së shoqatës, të parashikuar në statutin e saj.
Të ardhurat e realizuara nga shoqata duhet të përdoren vetëm për realizimin e veprimtarive që parashikohen në qëllimin dhe objektin e veprimtarisë së parashikuar në statutin e saj.
Nuk lejohet që shoqata të kryejë veprimtari fitimprurëse."

Neni 3

- Në nenin 40, para paragrafit të parë, shtohet ky paragraf:
"Akti për krijimin e shoqatës, me kërkesë të themeluesve të saj, regjistrohet në gjykatë".
- Fjalia e parë e nenit 40 ndryshohet si vijon:
"Rregullat për organizimin e funksionimin e shoqatës përcaktohen në statutin e saj, i cili duhet të hartohet me shkrim dhe të përmbajë sidomos:"

Neni 4

Në nenin 41, paragrafi i parë ndryshohet si vijon:
"Shoqata themelohet nga mbledhja e themeluesve, në të cilën miratohet statuti dhe zgjidhen organet drejtuese të saj. Shoqata, me kërkesën e saj, regjistrohet në gjykatë sipas mënyrës së parashikuar në ligj."

Neni 5

Neni 42 ndryshohet si vijon:
"Shoqata fiton cilësinë e personit juridik nga dita e regjistrimit të saj në gjykatë. Deri në ditën e regjistrimit, themeluesit e shoqatës mund të kryejnë veprimet që janë të nevojshme për themelimin dhe përmbushjen e kushteve për regjistrimin e saj."

Neni 6